«Արարատի» հարձակվող Գեորգի Չելիձեն հրավիրվել է Ռուսաստանի մինչեւ 20 տարեկանների հավաքական, հայտնում է երեւանյան ակումբի մամուլի ծառայությունը։ Չելիձեն փետրվարի 12-27-ը Կիպրոսում կմասնակցի «ՖԱԼ 2020 Գավաթի» խաղարկությանը։ «Արարատն» արդեն վերադարձել է արձակուրդից եւ ռուսաստանցի մարզիչ Իգոր Կոլիվանովի գլխավորությամբ մեկնել է Սոչի, որտեղ ուսումնամարզական հավաք կանցկացնի մինչև հունվարի 30-ը։ Թիմի հետ փորձաշրջան են անցնում մի քանի խաղացողներ։ Նախատեսված են ընկերական հանդիպումներ։