Երկրում կատարվող իրադարձությունների անկանխատեսելի  ընթացքը,  քրեական գործեր հարուցելու, կալանավորելու անսպասելի որոշումները, ինքնասպանությունները որոշակի նոր մշակույթ են ձեւավորում մեզանում։ Մեր աղբյուրներն ասում են, որ այն անձինք, ովքեր վտանգ են զգում, որ կարող են իրենց կալանավորել, իրենց հետ կարող են դժբախտ պատահարներ լինել եւ այլն, գաղտնի տեսաուղերձներ են նկարահանում եւ մի քանի տեղում պահում դրանց պատճեները, որ ծայրահեղ դեպքերում դրանք հրապարակվեն։ Մեզ պատմեցին, որ նման տեսաուղերձ է նկարահանվել նաեւ Մանվել Գրիգորյանի մասնակցությամբ, ում մոտ մեկ ամսով գրավի դիմաց ազատ արձակեցին, ապա կրկին կալանավորեցին։ Այդ ընթացքում նա տեսախցիկի առաջ պատմել է ինչ որ մանրամասներ, որոնք պետք է հրապարակվեն՝ եթե իր հետ ինչ որ բան պատահի։ Այդ տեսաերիզը պահվում է մի քանի վայրերում, այդ թվում՝ արտերկրում։ Մեր աղբյուրը տեղյակ չէր, թե ինչին է վերաբերվում խոսքը, սակայն ենթադրություն արեց, որ գեներալ Մանվելը խոսել է Մարտի 1-ի մասին։ Շարունակությունը՝ սկզբնաղբյուր կայքում