Այո, ես եմ երաշխավորել: Այս մասին այսօր մամուլի ասուլիսին ասաց արտակարգ իրավիճակների նախարար Ֆելիքս Ցոլակյանը՝ անդրադառնալով դիտարկմանը, թե ինքն է երաշխավորել Արթուր Վանեցյանի թեկնածությունը ԱԱԾ տնօրենի պաշտոնում:
Ինչ վերաբերում է հրաժարականից հետո Արթուր Վանեցյանի հայտարարություններին, Ֆելիքս Ցոլակյանն ասաց, որ որևէ մեկի հայտարարությունը մեկնաբանել չի ցանկանում և մեկնաբանում է միայն իր հայտարարությունները:
Նա կոչ արեց Ազգային անվտանգության ծառայության մասին ընդհանրապես քիչ խոսել, քանի որ ամեն խոսքը կարող է հետևանք ունենալ:
Ինչ վերաբերում է իր հրաժարականի վերաբերյալ լուրերին, նախարարը նշեց. «Ես հրաժարական չեմ տալիս, շարունակելու եմ աշխատել»:
Tert.am-ի հարցին, թե արդյոք զղջացե՞լ է, որ երաշխավորել է Արթուր Վանեցյանի համար, նա ասաց. «Չէ ինչի՞ համար»:
00:00:00
