Եվրոպական շատ երկրներ արդեն իսկ ԵՄ ղեկավարությանն ազդանշան են տվել, որ չեն ցանկանում բացել իրենց շուկաները Հայաստանի ապրանքների համար, հաղորդում է Ռուսաստանի արտաքին հետախուզության ծառայությունը։

Ըստ ՌԴ ԱՀԾ-ի՝ Բրյուսելը գիտակցում է Հայաստանում խորը տնտեսական ճգնաժամի անխուսափելիությունը, եթե Երևանը հայտնվի Եվրասիական տնտեսական միությունից դուրս։

ԱՀԾ-ի տվյալներով՝ եվրոպական կառույցները գիտակցում են, որ Եվրամիությունում աճող տնտեսական խնդիրները, որոնք առաջացել են հակառուսական պատժամիջոցների քաղաքականությունից և Ուկրաինայում պատերազմը սատարելու ցանկությունից, կխանգարեն Բրյուսելին փոխհատուցել Երևանի միլիարդավոր ծախսերը։