«Երևանի քաղաքապետարանը գերթանկարժեք նստարաններ ու աղբամաններ է գնել: «Ժողովուրդ» օրաթեր­թը պարզել է, որ այս գործում քաղաքապետարանը «Նիկոլ Դուման» առևտրային կազմակերպության հետ է համագործակցում: Օրինակ՝ օգոստոսի 20-ին 82 մլն 200 հազար դրամի պայմանագիր են կնքել այդ կազմակերպու­թյան հետ, ձեռք են բերել 500 հատ «Երևան» փայտե և թուջե ձուլվածքով նստարան, որի մեկ հատը 164 հազար 400 դրամ է արժեցել: Նախկինում էլ, ի դեպ, Երևանի քաղաքային իշխանությունները աղբամաններն են ձեռք բերել նույն «Նիկոլ Դուման»-ից՝ հատը 78 հազար դրամով: «Ժողովուրդ» օրաթերթը ճշտել է՝ «Նիկոլ Դուման»-ի հիմնադիրներն են քաղաքաշինության նախկին փոխնախարար Կառլեն Գևորգյանը ՀՅԴ-ից, քաղաքաշինության նախկին նախա­րար, ԲՀԿ-ական գործող պատգամավոր Վարդան Վարդանյանը և նրանց ընկերը՝ Արսեն Հայրապետյանը: Երևանի ավագանու «Լույս» խմբակցության ղեկավար Դավիթ Խաժակյանը, «Ժողովուրդ» օրաթերթի հետ զրույցում անդրա­դառնալով այս գործարքին, ասել է, թե գնման այդ գործընթացում խնդրահարույց դրույթներ կան, և պարզաբանում է պահանջել քաղաքային իշխանությունից, սակայն դեռ պատասխան չի ստացել»,-գրում է թերթը։ Նյութն ամբողջությամբ կարդացեք թերթի այսօրվա համարում: