ԱՄՆ իշխանությունները պայմանավորվել են երկու շաբաթով հետաձգել Չինաստանից ապրանքների վրա տուրքերի ավելացումը: Խոսքը 250 մլրդ դոլար ընդհանուր ծավալով ապրանքների մասին է, որոնց համար ներկայում գործում է 25% մաքսատուրք, որը պետք է դառնա 30%։ Այս մասին սեպտեմբերի 11-ին Twitter միկրոբլոգում գրել է ԱՄՆ նախագահ Դոնալդ Թրամփը: Թրամփը նշել է, որ նման զիջման է գնացել Չինաստանի փոխվարչապետ Լյու Հեի խնդրանքով՝ կապված այն բանի հետ, որ հոկտեմբերի 1-ին Չինաստանը նշելու է իր հիմնադրման 70-ամյակը։