Ամերիկյան «Գահերի խաղը» սերիալից հայտնի երկաթյա գահը տեղակայվել է Մոսկվայի մետրոպոլիտենի «Деловой центр» կայարանում: Ինչպես հայտնում է moslenta.ru-ն՝ հղում անելով Մոսկվայի քաղաքապետի պաշտոնական կայքին, այս նախաձեռնությունն իրականացվել է հեռուստասերիալի ութերորդ եթերաշրջանի 5-րդ սերիայի թողարկմանն ընդառաջ: Մետրոյով երթևեկող ուղևորները լուսանկարել են երկաթյա գահը՝ սերիալի հայտնի կերպարների՝ Դեյներիս Տարգարիենի, Ջոն Սնոուի և Սերսեյ Լանիստերի տեսքով ներկայացած դերասանների հետ միասին: «Երաժշտությունը մետրոյում» նախագծի մասնակիցները կատարել են ֆիլմի սաունդթրեքը: Երկաթյա գայի մոտ լուսանկարվել կարող են բոլոր ցանկացողները: