Ռուսաստանի ԱԻՆ տվյալով՝ 308 AF 61 հայկական պետհամարանիշով Mercedes մակնիշի ավտոբուսի և բեռնատար ավտոմեքենայի բախման հետևանքով երկու մարդ է մահացել՝ ավտոբուսի և բեռնատարի վարորդները, հայտնում են ՌԴ-ում Հայաստանի դեսպանատնից: Բախման պահին ավտոբուսում եղել է 48 ուղևոր և երկու վարորդ: Ութ մարդ հոսպիտալացվել է, երեքի վիճակը բժիշկների գնահատում են ծանր, երկուսի վիճակը՝ միջին: Բժշկական օգնություն ստանալուց հետո տուժածներից մեկը դուրս է գրվել հիվանդանոցից: Մնացած մոտ 40 ուղևորները ժամանակավորապես տեղափոխվել են հյուրանոց: