Ռուսաստանի արտգործնախարար Սերգեյ Լավրովի այցը Թուրքիա հետաձգվել է։ Մարտի 12-ին նախատեսված երկօրյա այցը կկայանա մարտի 18-ին։ ՌԴ արտգործնախարարության տարածած հայտարարության համաձայն՝ այցի հետաձգումը պայմանավորված է նախարարության աշխատանքային գրաֆիկում կատարված փոփոխություններով։ Նշվում է, որ տվյալ փոփոխությունը նախապես համաձայնեցված է եղել Անկարայի հետ։ Հայտնի է, որ Լավրովն Անթալիայում պիտի հանդիպեր թուրք պաշտոնակցի՝ Մևլութ Չավուշօղլուի հետ, երկու նախարարներն այնուհետև պիտի նախագահեին Ռուսաստան-Թուրքիա ռազմավարական ծրագրավորման համատեղ խմբի նիստը։ Առայժմ Թուրքիան որևէ հայտարարություն չի արել նիստի հնարավոր հետաձգման վերաբերյալ։