ԿԳ նախարար Արայիկ Հարությունյանը ֆեյսբուքյան իր էջում լուսանկար է հրապարակել բուհերի խորհուրդների նորընտիր նախագահների հետ թեյախմությունից: «Երեկ տեղի ունեցավ նախադեպը չունեցող մի հավաք: Մատենադարանի նախասրահում հանդիպեցի Հայաստանի՝ պետության կողմից հիմնադրված բուհերի հոգաբարձուների խորհրդի նախագահներին: Յուրաքանչյուրիս համար այս հանդիպումը կարեւոր էր, քանի որ առկա խնդիրների համատեղ քննարկումը թույլ է տալիս դրական փորձն անմիջապես կիրառել մյուս բուհերում: Այս հանդիպումներն անցկացվելու են պարբերաբար»,-գրել է նախարարը: