Ադրբեջանի ԱԳՆ ղեկավար Էլմար Մամեդյարովը հայտարարել է Միլանում ԼՂ հակամարտության կարգավորման բանակցությունների ընթացքում իր հայ գործընկեր Զոհրաբ Մնացականյանի հետ փոխըմբռնման հասնելու մասին: Այդ մասին հայտնում են ադրբեջանական լրատվամիջոցները:
«Կարծում եմ, որ իմ հայ գործընկերոջ հետ Միլանում վերջին հանդիպման ժամանակ մենք երկարատեւ ժամանակաշրջանում առաջին անգամ փոխըմբռնման հասանք», – նշել է Մամեդյարովը:
Նա հայտնել է, որ հակամարտության կարգավորման ուղիների որոնումն Ադրբեջանի համար 2019թ.-ի հիմնական առաջադրանքն է:
«Հիմնական նպատակը շոշափելի արդյունքների հասնելն է», – ասել է Մամեդյարովը:
Նա հայտնել է նաեւ, որ 2019թ.-ի հունվարին հակամարտության կարգավորման հարցը կրկին կքննարկվի Զոհրաբ Մնացականյանի հետ:
00:00:00
