Ուկրաինայի սահմանապահ ծառայությունը արգելել է Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլիին մուտք գործել այդ երկիր մինչև 2021 թվականը, փոխանցում է Life.ru-ն: Սաակաշվիլիի փաստաբանը հայտարարել է, որ պատրաստվում է բողոքարկել այդ որոշումը։ Պյոտր Պորոշենկոյին պաշտոնանկ անելու պահանջով մի քանի միտինգներ անցկացնելուց հետո՝ Սաակաշվիլիին Ուկրաինայից Լեհաստան էին արտաքել։ Այնտեղից նա մեկնել է Նիդերլանդներ, իսկ դրանից քիչ անց պարծեցել էր այդ երկրում օրինական կեցության իր փաստաթղթերով։