Հատուկ քննչական ծառայության պետ Սասուն Խաչատրյանը իր և Ազգային անվտանգության ծառայության տնօրեն Արթուր Վանեցյանի խոսակցության գաղտնալսման հետ կապված որոշ հանգամանքներ դեռևս անհասկանալի է համարում:
«Որոշ հանգամանքներ կան, որ այսօր էլ մեզ համար անհասկանալի են: ԱԱԾ տնօրենն ասաց, որ այդ խոսակցությունն իրականում մոնտաժված է: Այնտեղ կան բառակապակցություններ, որոնք այդ ձևով չեն ասվել: Այս պահին այսքանն ասեմ, հետագայում Քննչական կոմիտեն, հավանաբար, ավելի մանրամասն տեղեկատվություն կտա: Ամեն դեպքում, այդքան տևողությամբ այդպիսի խոսակցություն չի եղել, որը տեղադրվել է համացանցում: Դա ապացուցվել է, որքան ես գիտեմ»,- ասաց նա։
Հարցին՝ ի վերջո ով էր Հրաչը, ում նկատի ուներ ԱԱԾ տնօրեն Արթուր Վանեցյանը, Սասուն Խաչատրյանը պատասխանեց. «Հավանաբար, խոսքը ՀՔԾ քննիչ Հրաչ Մուշեղյանի մասին է»։
00:00:00
