«Դա սյունեցիները չէին, մեր կուսակցության անդամներին էին ճանապարհը փակել»։ Այս մասին, այսօր լրագրողների հետ զրույցում  ասաց վարչապետի պաշտոնակատար Նիկոլ Փաշինյանը՝ անդրադառնալով Սյունիքում բողոքի ակցիային ընդդեմ նորանշանակ մարզպետ Հունան Պողոսյանի: Հարցին, թե ինչու են սկանդալային դեմքերը նշանակվում պաշտոնների, Փաշինյանը հարցով պատասխանեց. «Ինչից եք տարբերում սկանդալային և ոչ սկանդալային դեմքերը»: Նա նշեց, որ նոր փուլ ենք մտնում, կա բարիկադները կառուցելու ժամանակը և կա դրանք ապամոնտաժելու ժամանակը: «Մենք հիմա մտել ենք բարիկադները ապամոնտաժելու ժամանակ, և այստեղ Հունան Պողոսյանի անձի խնդիրը չէ: Այստեղ քաղաքական ուղերձի խնդիրն է, և այդ քաղաքական ուղերձը մեր այն է, որ մենք թշնամիների, մերոնքականների և ձերոնքականների չենք նշանակելու: ՀՀ-ում անթերի մարդիկ չկան, ես չեմ հիշում որևէ նշանակում, որ որևէ բացասական արձագանք չստանա: Մեկը երիտասարդ է, մեկը շատ տարիքով է, մյուսը բոյով է, երրորդը… այսինքն՝ անթերի մարդիկ ՀՀ-ում չկան և անթերի նշանակումներ չեն լինի: Խնդիրը հետևյալի մասին է՝ մենք պետք է շատ հստակ ուղերձներ հղենք, որ մենք պատրաստվում ենք համախմբել ողջ ներուժը: Հիամ խոսվում է, որ այս պաշտոնյան սա է արել, այն պատոնյան նա է արել: Ով ինչ արել է, յուրաքանչյուրն իր արածի համար պատասխան կտա, կապ չունի՝ նա պաշտոնյա է, թե չէ: Անցել են այն ժամանակները, երբ պաշտոնյա լինելը նշանակում է արտոնություն օրենքի առաջ ունեցած հավասարության իմաստով, չկա այդպիսի արտոնություն”,- նշեց նա: Փաշինյանը հավալեց, որ Հայաստանում տարբեր առիթներով են ճանապարհներ փակում: Հարցին, թե բարկադները քանդելու ճանապարհին նախկին պաշտոնյաներից ում կարող ենք տեսնել կառավարությունում, Նիկոլ Փաշինայնը պատասխանեց. “Չգիտեմ, կտեսնենք”: Նա հավելեց, որ տեսականորեն հնարավոր է նաև ՀՀԿ անդամները մաս կազմեն կառավարությանը: Հիմա էլ, ըստ Փաշինյանի, ՀՀԿ անդամներ կան կառավարությունում: Լրագրողները հետաքրքրվեցին՝ ո՞րն է  այն գիծը, որ կտարանջատի, թե որ նախկին պաշտոնյաները կարող են նորից պաշտոններ զբաղեցնել, օրինակ, նախկին ոստիկանապետ Վլադիմիր Գասպարյանը կարո՞ղ է նորից պաշտոնի նշանակվել: Վլադիմիր Գասպարյանի մասով Փաշինայնն ասաց՝ ոչ, հնարավոր չէ: «Այդ գիծը մեր հայեցողությունն է, կառավարության հայեցողությունն է: Եթե վարչապետի կողմից նշանակվող անձ է, ուրեմն վարչապետի հայեցողությունն է, և վարչապետը պետք է կրի քաղաքական պատասխանատվություն»,- ասաց նա: https://www.youtube.com/watch?v=Jq9ZN6Hyr2c&feature=youtu.be