Ազգային Ժողովի 100-ամյակի միջոցառման ընթացքում լրագրողների հետ զրույցում ԱԱԾ տնօրեն Արթուր Վանեցյանը հայտնեց, որ հարցաքննվել է իր և ՀՔԾ պետի գաղտնալսման գործով:
«Ես չեմ կարող որևէ բան ասել, փաստաթուղթ եմ ստորագրել՝ նախաքննական գաղտնիք չհրապարակելու մասին: Մենք մեր գործն օպերատիվ մասով անում ենք, իսկ օպերատիվ տվյալները, ինչպես գիտեք, հրապարակման ենթակա չեն»,- նշեց Վանեցյանը:
Հիշեցնենք, որ օրերս հրապարակվել էր ԱԱԾ և ՀՔԾ ղեկավարների հեռախոսային խոսակցության ձայնագրությունը, ինչը տարբեր մեկնաբանությունների առիթ հանդիսացավ:
00:00:00
