Կառավարությունն այսօր՝ սեպտեմբերի 20-ին իր հերթական նիստում որոշում է կայացրել ԱԳՆ-ին հատկացնել 109 միլիոն 296 հազար դրամ ՝ դեկտեմբերի 9-11-ին Հայաստանում կայանալիք «Ընդդեմ ցեղասպանության հանցագործության» Երրորդ գլոբալ ֆորումի նախապատրաստման եւ անցկացման հետ կապված միջոցառումների իրականացման նպատակով: Գումարը պետք է ԱԳՆ-ին հատկացվի 9 ամսում, ՀՀ 2018-ի պետական բյուջեով նախատեսված կառավարության պահուստային ֆոնդի հաշվին: Որոշման նախագիծը կառավարության նիստում ներկայացրեց ԱԳ նախարար Զոհրաբ Մնացականյանը: