Արթուր Ասատրյանը, ով առավել հայտնի է Դոն Պիպո անվամբ՝ ՔԿՀ-ից բաց նամակով դիմել է էջմիածինցիներին, որում մասնավորապես ասվում է․ Հարգելի հայրենակիցներ և իմ սիրելի Էջմիածնեցիներ: Տեղեկացված եմ ձեր ծավալուն ստորագրահավաքի գործունեությանը: Ուզում եմ երախտագիտության և շնորհակալանքի խոսք հայտնել ձեր մտահոգության համար: Բոլորիս ցանկությունը մեկն է՝ ունենալ գեղեցիկ և բարելավված Էջմիածին: Լինենք միասնական: Իմ ներդրումների հետ միասին շատ ու շատ հայեր, ինչպես նաև օտար ազգերի ներկայացուցիչներ ցանկություն ունեն բարելավվելու և գեղեցկացնելու մեր քաղաքը, որպեսզի կարողանանք ճիշտ և բարձր մակարդակով ամբողջ աշխարհին ներկայացնել քրիստոնեությունը առաջինը ճանաչած Սուրբ Էջմիածինը: Հավատալով մեր երկրի արդարադատությանը, հուսով եմ, որ շուտով կլինեմ ձեր կողքին: Արթուր Ասատրյան