Ֆրանսիայի հավաքականը դուրս եկավ Ռուսաստանում ավարտին մոտեցող ֆուտբոլի աշխարհի առաջնության եզրափակիչ՝ երրորդ անգամ պատմության մեջ: Սանկտ Պետերբուրգում տեղի ունեցած խաղում Դիդյե Դեշամի գլխավորած թիմը նվազագույն հաշվով առավելության հասավ Բելգիայի հավաքականի նկատմամբ: Առաջին խաղակեսն անցավ փոխադարձ գրոհներով, ավելի շատ վտանգավոր պահեր ստեղծեցին բելգիացիները, սակայն դարպասի գրավում չգրանցվեց։ Երկրորդ խաղակեսում ֆրանսիացիները բազմաթիվ պահերից մեկն արդյունավետ օգտագործեցին: Անտուան Գրիզմանի փոխանցումից հետո Սամուել Ումտիտին գրավեց Տիբո Կուրտուայի պաշտպանած դարպասը: Հիշեցնենք, որ եզրափակիչի երկրորդ ուղեգիրը հուլիսի 11-ին Մոսկվայում կվիճարկեն Անգլիայի եւ Խորվաթիայի հավաքականները։ ԱԱ-2018, կիսաեզրափակիչ Ֆրանսիա - Բելգիա՝ 1։0 (տեսանյութ) Սամուել Ումտիտի, 51