ՀՀ առողջապահության նախարար Արսեն Թորոսյանն այսօր Կառավարության նիստում հայտարարեց, որ դեղատոմսով դուրս գրվող դեղերի մասին որոշումը, բացի հակաբիոտիկներից, պետք է հետաձգել մեկ տարով:
Նախարարի այս խոսքից հետո վարչապետ Նիկոլ Փաշինյանն ասաց, որ հետաձգումները մեխանիկորեն չեն կարող լինել: «Պետք է այդ մեկ տարվա ընթացքում հանրության հետ աշխատել, որ մարդիկ հասկանան՝ այս որոշումն ինչ է տալու իրենց: Թե չէ մեկ տարով հետաձգում ենք, հետո որոշումն ուժի մեջ մտնելուց մեկ օր առաջ լուրերի թողարկմամբ մարդիկ տեղեկանում են դրա մասին»,- նշեց վարչապետը:
Վարչապետի խոսքով՝ եթե մարդկանց համար սա օգտակար չէ, պետք է հրաժարվել այս մեխանիզմից: Նիկոլ Փաշինյանը նաև առաջարկեց որոշումն ընդունելուց առաջ կիրառման փորձաշրջան իրականացնել:
«Լավ բանը ներդնելու ենք, բայց՝ անցավ»,- պատասխանեց նախարարը:
ՄԻՊ Արման Թաթոյանն էլ ասաց, որ բողոքներ են ստանում այս խնդրի մասին: «Մենք մեր ողջ կազմով իրազեկման աշխատանքներ ենք անում»,- ասաց Արման Թաթոյանը:
00:00:00
