«Հայկական ժամանակ»-ի տեղեկություններով`ՀՀ վարչապետ Նիկոլ Փաշինյանը վերջին շրջանում շատ քիչ է սկսել օգտագործել Բաղրամյան 26-ի իր նստավայրը: Մեր աղբյուրի փոխանցմամբ՝ այս ընթացքում եղել են օրեր, որ նա ընդհանրապես Բաղրամյան 26 ոտք չի դրել: Փոխարենը նա մինչեւ ուշ երեկո աշխատում է Հանրապետության հրապարակում գտնվող կառավարության շենքում:
Նիկոլ Փաշինյանի խոսնակ Արման Եղոյանը ՀԺ-ի այս տեղեկությունների վերաբերյալ փոխանցեց.
«Վերջին շրջանում վարչապետը հիմնականում աշխատում է կառավարության շենքում: Նստավայրի հարցը դեռ քննարկվում է»,- ասաց մամլո խոսնակը:
Ճշտող հարցին, թե ինչու՞ է վարչապետը նախընտրում կառավարության շենքը, այլ ոչ թե Բաղրամյան 26-ը, Եղոյանը նշեց, որ որեւէ ենթատեքստ չկա:
«Վարչապետի աշխատակազմն այստեղ է գտնվում: Զուտ ֆիզիկական հարմարության հարց է»,- ասաց նա:
Այնուհանդերձ, նշենք, որ ՀԺ-ի հավաստի տեղեկություններով՝ առաջիկայում պաշտոնապես հայտարարվելու է, որ վարչապետի միակ նստավայրը լինելու է Հանրապետության հրապարակում գտնվող կառավարության շենքում: Թե ինչ նպատակով է օգտագործվելու Բաղրամյան 26-ի շենքը, մեզ առայժմ չհաջողվեց որեւէ տեղեկատվություն ձեռք բերել:
Մանրամասն՝ սկզբնաղբյուր կայքում
00:00:00
