Ղազախստանի նախագահ Նուրսուլթան Նազարբաեւը հրաման է ստորագրել, որով հաստատել է լատինական գրության հիման վրա ղազախերենի այբուբենի նոր տարբերակը, հայտնել է երկրի նախագահի մամուլի ծառայությունը:
2017 թվականի հոկտեմբերին Նազարբաեւը հրաման էր ստորագրել մինչեւ 2025 թվականը ղազախերենի այբուբենի 32 տառով լատինական գրության փուլային անցման մասին: Այդ ժամանակ էլ հաստատվել է լատինատառ նոր այբուբենը: Բայց դրանում լայնորեն օգտագործվել էին ապաթարցները, ինչը, շատ մասնագետների եւ շարքային քաղաքացիների կարծիքով, դժվարացնում էր ընթերցելը եւ գրելը:
Նախագահի հաստատած նոր այբուբենը նույնպես 32 տառ է պարունակում, բայց ապաթարցներ չկան, մտցված են նոր տարբերիչ նշաններ եւ երկտառեր (sh, ch):
Մինչեւ 1920-ական թվականները ղազախերենն օգտագործել է արաբական գրությունը, որը փոխարինել է լատինատառի հիմքով այբուբենին: Այն գոյություն է ունեցել մինչեւ 1940 թվականը, երբ ընդունվել է ղազախերենի կիրիլիցայի այբուբենը: Ներկայումս կիրիլիցայի հիմքով ղազախերեն այբուբենը 42 տառ ունի:
