«Արցախի Ազգային անվտանգության ծառայության տնօրեն Արշավիր Ղարամյանը հրաժարական է ներկայացրել»,-քիչ առաջ լրագրողների հետ հանդիպմանը այս մասին հայտարարեց Արայիկ Հարությունյանը:
«Այսօր հրաժարական են ներկայացրել ԱԱԾ պետ Ա.Ղարամյանը և ոստիկանության պետ Կամո Աղաջանյանը: Երկուսն էլ լեգենդար մարդիկ են, որոնց կենսագրությունը կարող է սերունդներ դաստիարակել», - նշեց նա:
Ես պատասխանատվությունից չեմ խուսափում, այսօր լրագրողների հետ հանդիպմանն ասաց հրաժարականի դիմում ներկայացրած Արցախի պետնախարար Արայիկ Հարությունյանը։
Նա նշեց, որ չի կարող քաղաքական ամենախոշոր ուժը խուսափի պատասխանատվությունից, շարունակելու է ղեկավարել կուսակցությունը, մասնակցելու է նախագահի կողմից իրականացվող բարեփոխումներին:
Հարցին՝ հնարավո՞ր է ընդդիմություն դառնան, նա պատասխանեց, թե միշտ էլ հնարավոր է։
«Իհարկե, եթե ճանապարհից շեղվեն, բայց այսօր ես համոզված չեմ, որ այդպիսի բան կա», - նշեց Ա. Հարությունյանը։
Նա ընդգծեց՝ շարունակելու են մնալ իշխանություն ու սատարելու են կառավարության գործունեությանն ու ծրագրին, որի մշակմանն անձամբ մասնակցել է։
00:00:00
