Սեպտեմբերի 25-ին Նյու Յորքում՝ ՄԱԿ ԳԱ 81-րդ նստաշրջանի շրջանակներում, ՀՀ արտաքին գործերի և միջազգային առևտրի նախարարի տեղակալ Ռոբերտ Աբիսողոմոնյանը մասնակցել է «Trade over Aid» նախաձեռնության շրջանակներում անցկացված «Գործարքների ներկայացում» խորագրով միջոցառմանը։
Հանդիպման ընթացքում քննարկվել են առևտրի և ներդրումների խթանման, մասնավոր հատվածի ներգրավման և երկարաժամկետ տնտեսական գործընկերությունների զարգացման հնարավորությունները։ Ընդգծվել է փոխշահավետ գործարար կապերի զարգացման և ներդրումների համար նպաստավոր միջավայրի ձևավորման կարևորությունը։
Միջոցառման շրջանակներում ներկայացվել են մասնավոր հատվածի ներգրավմամբ առևտրային և ներդրումային համագործակցության օրինակներ, ինչպես նաև նոր գործարար հնարավորություններ։
Հանդիպմանը մասնակցել է նաև «Ներդրումների աջակցման կենտրոն» հիմնադրամի տնօրեն Գոհար Աբաջյանը, ինչպես նաև ավելի քան 50 երկրների ներկայացուցիչներ՝ պետական կառույցներից, մասնավոր հատվածից և միջազգային կազմակերպություններից։
