Ղազախստանի նախագահ Կասիմ-Ժոմարտ Տոկաևը վերահաստատել է ԱՄՆ ղեկավար Դոնալդ Թրամփին ուղղված հրավերը՝ այցելել Ղազախստան։ Այդ մասին Տոկաևի աշխատակազմի մամուլի ծառայությունն է հայտնել՝ նշելով, որ հրավերը Ղազախստանի նախագահը փոխանցել է Հարավային և Կենտրոնական Ասիայի հարցերով ԱՄՆ հատուկ բանագնաց Սերխիո Գորին՝ Նյու Դելիում կայացած BRICS-ի գագաթնաժողովի շրջանակներում երկկողմ հանդիպման ժամանակ։
Նշվում է, որ Գորն իր հերթին Տոկաևին է փոխանցել ԱՄՆ նախագահ Թրամփի ուղերձը՝ Ղազախստանի անկախության 35-ամյակի կապակցությամբ։
Երկկողմ հանդիպմանը Ղազախստանի նախագահը հայտնել է, որ մասնակցելու է դեկտեմբերին Մայամիում կայանալիք G20-ի գագաթնաժողովին ու նշել, թե դա Ղազախստան-ԱՄՆ օրակարգի հարցերը քննարկելու «լավ հնարավորություն է»։
«Մենք նախընտրում ենք ոչ թե գեղեցիկ խոսքերը, այլ կոնկրետ գործողություններն ու քայլերը՝ մեր համագործակցությունն առաջ մղելու համար»,- ԱՄՆ հատուկ բանագնացին ասել է Ղազախստանի նախագահը։
