Մոսկվան շարունակում է աշխատել Երևանի հետ՝ կատարելով իր բոլոր պարտավորությունները։ Այս մասին հայտարարել է ՌԴ տրանսպորտի նախարար Անդրեյ Նիկիտինը «Վեստի»-ին տված մեկնաբանությունում, հայտնում է ՏԱՍՍ-ը:
«Մենք աշխատում ենք Հայաստանի հետ, ինչպես աշխատում էինք, կատարում ենք մեր բոլոր պարտավորությունները, ինչ-որ հայտարարություններ նրանք իրենք են անում պարբերաբար։ Մենք ամեն ինչ անում ենք օրենքին համապատասխան», - ասել է նա։
Ռուսաստանի հետ երկաթուղային փոխադրումների գծով գործընկերությունից Հայաստանի հրաժարվելու հնարավորության մասին հարցին Նիկիտինը պատասխանել է.
«Նրանք ոչ մի բանից ֆորմալ կերպով չեն հրաժարվում։ Նրանք անընդհատ ինչ-որ բան հայտարարում են, բայց դրա հետ մեկտեղ ոչ մի հրաժարում՝ մենք աշխատում ենք, ինչպես աշխատել ենք»։
