Կես ժամից ավագանու անդամները վերադարձան դահլիճ։ Սակայն պարզվեց դարձյալ քվորում չկա։ ՔՊ- ն ամբողջ թիմով բացակա է։ Իսկ Կարեն Սիմոնյանը չի կարողացել միանալ նիստին, քանի որ նրա տանը խուզարկություններ են քրեական վարույթի շրջանակներում։
Վարման կարգով ելույթ ունեցավ քաղաքապետի պաշտոնակատար Ավետիս Առաքելյանը։ Նա ասաց, որ առավոտից խոսակցություննեը էին պտտվում, որ ավագանու նիստը տապալվում է եւ տապալվեց։
Նա ասաց որ ամիսներ շարունակ ՔՊ շրջանակները շրջանառում էին տեղեկություն, համաձայն որի Գյումրիում քաղաքական ճգնաժամ կա։ Բայց պատվով ընդդիմադիր խմբակցությունները պահեցին իրենց դիրքորոշումը եւ ՔՊ-ն հիմա միտումնավոր տանում է նիստի տապալման։
