Ռուսաստանի արտաքին գործերի նախարարության մամուլի խոսնակ Մարիա Զախարովան հայտարարել է, որ ԵՄ քաղաքացիական առաքելությունը Հայաստանում կփորձի ազդել խորհրդարանական ընտրությունների արդյունքների վրա։
«Անօրինական ֆինանսական հոսքերին հետևելու և կիբեր հարձակումներին հակազդելու պատրվակով ԵՄ-ն փորձելու է միջամտել Հայաստանի ներքին գործերին։ Մենք Եվրոպական միությունը լավ գիտենք, դա բացառել չի կարելի ոչ մի դեպքում, կցանկանան ազդել հունիսի 7-ի խորհրդարանական ընտրությունների արդյունքի վրա»,-ասել է Զախարովան։
Նա հավելել է, որ ԵՄ նոր մեխանիզմը Բրյուսելին լրացուցիչ լծակներ կտրամադրի Հայաստանի նախարարությունների վրա ազդելու համար:
