Վաղ առավոտից Հակակոռուպցիոն կոմիտեն իրականացրել է խուզարկություններ «Ուժեղ Հայաստանի» տարբեր գրասենյակներում։ Այս պահին արդեն շուրջ 14 անձ բերման է ենթարկվել, լրագրողների հետ զրույցում ասաց բերման ենթարկվածների շահերի պաշտպան, փաստաբան Յուրա Իվանյանը։

«Առավոտվանից փորձում ենք ճշտել, թե այդ անձինք ո՞ւր են տարվել, ինչի՞ համար, որևէ ինֆորմացիա չենք ստանում։ Նշեմ, որ առավոտից փորձում ենք մուտք գործել Հակակոռուպցիոն կոմիտե, իրականացնել մեր վստահորդների պաշտպանությունը, սակայն թույլ չեն տալիս»։