Մասիսի քաղաքապետ Դավիթ Համբարձումյանին, փոխքաղաքապետ Կարեն Օհանյանին եւ եւս երեք անձի այսօր մեղադրանք է առաջադրվել:
Այսպիսով Դավիթ Համբարձումյանին մեղադրանք է առաջադրվել ՀՀ քրեական օրենսգրքի 225 հոդվածի 1-ին եւ 2-րդ մասերով (զանգվածային անկարգություններ կազմակերպելն ու մասնակցելը): Մյուս 4-ը մեղադրվում են զանգվածային անկարգություններին մասնակցելու համար:
Տեղեկությունը հաստատեց ՀՀ քննչական կոմիտեի նախագահի խորհրդական Սոնա Տռուզյանը:
Քիչ անց դատարանում կվիճարկվեն նրանց ձերբակալման որոշումները եւ միաժամանակ կքննարկվեն քննիչի կողմից նրանց կալանավորելու միջնորդությունները: Այս պահին Դավիթ Համբարձումյանի մայրն ու մի խումբ քաղաքացիներ հավաքվել են դատարանի բակում:
Հիշեցնենք, որ Դավիթ Համբարձումյանը, Կարեն Օհանյանը, Գոռ Խաչատրյանը, Սարգիս Սահակյանը եւ Գեւորգ Համբարձումյանը ձերբակալվել են երեկ՝ զանգվածային անկարգություններին մասնակցելու կասկածանքով:
00:00:00
