«Ուժեղ Հայաստան» կուսակցության անդամ Գառնիկ Դավթյանը խոսել է ուժեղ տնտեսություն, ուժեղ պետություն ունենալու կարևորության մասին.
«Ուժեղ տնտեսություն՝ հավասար է ուժեղ պետություն։ Ինչպե՞ս եմ սա հիմնավորում։ Առաջինը՝ ուժեղ տնտեսությունը ստեղծում է կայունություն և հասարակական համերաշխություն։ Երբ պետությունը տնտեսապես ուժեղ է, բանակցում է ոչ թե թույլի, այլ ուժեղի դիրքերից։
Երկրորդը՝ այսօր Հայաստանը տնտեսական և սոցիալական լուրջ խնդիրների առաջ է կանգնած, Փաշինյանի իշխանության տարիներին հազարավոր մարդիկ շարունակում են ապրել աղքատության մեջ։ Նա հոգ է տանում միայն իր շրջապատի մասին, մինչդեռ հասարակությունը ավելի ու ավելի է բաժանվում։ Այս քաղաքականությունը բերում է անկայունության, սոցիալական անարդարության և երկրի թուլացման։
Երրորդը՝ Սամվել Կարապետյանը իրական տնտեսություն ստեղծած մարդ է։ Նա տարիներ շարունակ ներդրումներ է արել Հայաստանում։ Նրա բիզնեսները ստեղծել են հազարավոր աշխատատեղեր տարբեր քաղաքներում և համայնքներում։ Գործարար ծրագրերը օգնել են հազարավոր ընտանիքների և հասարակական համերաշխությանը։
Ի՞նչ կփոխվի Կարապետյանի վարչապետությամբ։ Որպես վարչապետ՝ Սամվել Կարապետյանը կարող է տասնապատիկ ավելին անել։ Նրա նպատակն է նվազեցնել գործազրկությունը, կրճատել աղքատությունը, ստեղծել նոր աշխատատեղեր երիտասարդների համար, զարգացնել Հայաստանի տնտեսությունը։
Ուժեղ տնտեսություն, ուժեղ պետություն, ուժեղ խաղաղություն։ Եվ այս ամենը՝ միայն Սամվել Կարապետյանի վարչապետությամբ»։
Մանրամասները՝ տեսանյութում
