«Առաջիկայում կրթության և գիտության ոլորտում ևս բացահայտումներ կլինեն, բացահայտումներ կլինեն, դուք կորակեք` դրանք սկանդալայի՞ն են, թե՞ ոչ: Մենք ուսումնասիրություններ ենք անում, հավանաբար նման բնույթի բացահայտումներ ևս կլինեն»,- այսօր Կառավարության նիստից հետո լրագրողների հետ զրույցում ասաց ԿԳ նախարար Արայիկ Հարությունյանը՝ պատասխանելով հարցին, թե արդյոք բացահայտումները կլինեն սկանդալային և կոռուպցիոն:
Արայիկ Հարությունյանը նշեց, որ ուսումնասիրություններ անցկացվում են ԿԳ համակարգի գրեթե բոլոր կառույցներում, այժմ առավել ինտենսիվ` միջին մասնագիտական հաստատություններում ու դպրոցներում:
Ինչ վերաբերում է ԵՊՀ ռեկտոր Արամ Սիմոնյանի հրաժարականի պահանջին, ապա նախարարը նկատեց՝ նախարարությունն անկախ դատավորի դերում կլինի:
00:00:00
