Այսօր Բաքվի դատարանում շարունակվել է Ադրբեջանում ապօրինի պահվող՝ Արցախի նախկին պետնախարար Ռուբեն Վարդանյանի դեմ կեղծ գործերով հարուցված շինծու դատական նիստը:
Ըստ ադրբեջանական ԶԼՄ-ների՝ Վարդանյանը կեղծ «դատական նիստի» ժամանակ միջնորդել է ծանոթանալ «քրեական գործին առնչվող որոշ փաստաթղթերի»:
Դատավորը հայտարարել է, որ Վարդանյանին նշանակված փաստաբանը փաստաթղթերին կարող է ծանոթանալ այս շաբաթվա ընթացքում։
Շինծու «նիստի» ընթացքում շարունակվել է նաև այսպես կոչված «տուժողների ցուցմունքների» հրապարակումը:
Դատական ֆարսը կշարունակվի վաղը՝ դեկտեմբերի 9-ին:
