Բաքվում կայացել է Ադրբեջանում ապօրինաբար պահվող՝ Արցախի նախկին պետնախարար Ռուբեն Վարդանյանի դեմ կեղծ գործերով հարուցված հերթական շինծու դատական նիստը:
Ըստ ադրբեջանական ԶԼՄ-ների՝ փաստաբան Աբրահամ Բերմանը նիստի արձանագրության հետ կապված տեղեկատվություն է խնդրել դատարանից: Պաշտպանությանն ավելի վաղ ներկայացվել են իրենց միջնորդությունների վերաբերյալ որոշ վճիռների քաղվածքներ, և այժմ փաստաբանն ու պաշտպանյալը ցանկացել են ծանոթանալ մնացած հատվածին:
Դատավորն ի պատասխան առաջարկել է նշել, թե որ որոշումների պատճեններն են ցանկանում ստանալ։ Այնուհետև ելույթ են ունեցել այսպես կոչված «տուժածները»։
Հաջորդ նիստը նշանակվել է հոկտեմբերի 7-ին:
