«Այս իրավիճակը Ադրբեջանի և Ռուսաստանի միջև հարաբերություններում առաջացել է AZAL ինքնաթիռի վթարից հետո», - գերմանական «Berliner Zeitung» թերթին տված հարցազրույցում ասել է Ադրբեջանի նախագահի օգնական և Ալիևի վարչակազմի արտաքին քաղաքականության բաժնի ղեկավար Հիքմեթ Հաջիևը, հաղորդում են ադրբեջանական լրատվամիջոցները։
«Միջադեպը տեղի է ունեցել Ռուսաստանի տարածքում, Ռուսաստանի օդային տարածքում, և մենք գիտենք, թե ինչպես է դա տեղի ունեցել։ Սա գաղտնիք չէ։ Ադրբեջանը, որպես հարևան և գործընկեր պետություն, սպասում է, որ Ռուսաստանը պատասխանատվություն կստանձնի և այս հարցում արդարադատություն կապահովի», - ասել է նա։
