Քանի որ հակամարտությունը լուծված է, և Հայաստանը Ղարաբաղը պաշտոնապես ճանաչում է որպես Ադրբեջանի տարածք, ԵԱՀԿ Մինսկի խմբի գործունեության համար դե յուրե որևէ հիմք չկա: Այս մասին, Գերմանիայի նախագահի հետ հանդիպումից հետո պատասխանելով լրագրողների հարցերին, ասել է Ադրբեջանի նախագահ Իլհամ Ալիևը:
Նա ընդգծել է, թե Հայաստանի սպառազինումը, ինչպես նաև Ֆրանսիայի կողմից իբրև թե ՛՛նոր սադրանքների հրահրումը՛՛ ուժեղացնում են կասկածները, թե Հայաստանը ՛՛նվաճողական տրամադրություններ ունի՛՛ (չակերտները-խմբ.)։
