«Մեր քաղաքը» դաշինքի ներկայացուցիչ Անահիտ Խալաթյանը և առևանգված մյուս կինը Գյումրու ոստիկանության երկու բաժիններից որևէ մեկը չեն բերվել, գրել է փաստաբան Արսեն Բաբայանը։
«Հիշեցնեմ, որ քաղաքացիական հագուստով անձինք առևանգել են Գյումրու «Մեր քաղաքը» դաշինքի ներկայացուցիչ երկու կանանց»,-գրել է Բաբայանը։
«Քաղաքացիական հագուստով անհայտ անձինք՝ բռնի ուժով առևանգել են մեր ավագանու անդամության թեկնածու Անահիտ Խալաթյանին։ Ըստ ականատեսների, նրա հետ եղել է ևս մի կին։ Այս պահին չենք տիրապետում որևէ տեղեկատվության։ Դիմում ենք իրավապահ մարմիններին»,- տեղեկացրել էին «Մեր քաղաքը» դաշինքից։
