Այն գումարները, որ ՀՀ–ն ամեն տարի տրամադրում էր Արցախին, դրանք հիմա ազատված գումարներ են, կարելի է ուղղել արցախցիների սոցիալական խնդիրները լուծելուն։ 40+10 ծրագիրը կարելի է շարունակել այնքան, մինչև բնակարանային հարցերը չլուծվեն։ «Աբովյան time»-ի եթերում ասել է Արցախի ԱԺ նախկին նախագահ Աշոտ Ղուլյանը։
«Եթե ՀՀ իշխանությունները հեռատես լինեին և քաղաքական առումով ավելի պատրաստ նման իրավիճակներին, բռնի տեղահանվածների սոցիալական հարցերը կփորձեին լուծել Արցախի իշխանությունների հետ, որովհետև կա կենտրոնացված տեղեկատվություն։ Դա անելու փոխարեն խոսում են Արցախի Հանրապետության պետական կառույցների վնասակարության մասին»,- նշել է նա։
