Հասարակական-քաղաքական գործիչ Էդգար Ղազարյանն իր դեմ հարուցված գործի առնչությամբ գրել է․
«Իմ դեմ հարուցված քրեական վարույթով դատարան ուղարկված մեղադրական եզրակացության և գործի նյութերին ծանոթանալուց հետո, այս պահին կարող եմ միայն ասել, որ նախաձեռնության հեղինակներին` դաժան օրեր, իրավապահներին` ծանրաբեռնված աշխատանք, իսկ ողջ հանրությանը` ուշագրավ բացահայտումներ են սպասվում»։
Հիշեցնենք՝ Էդգար Ղազարյանին մեղադրանք են առաջադրել այն բանի համար, որ նա հրապարակային քննադատել է ՍԴ դատավորներին։ Ղազարյանն ու նրա փաստաբանները բազմիցս նշել են, որ գործի հարուցումը քաղաքական հետապնդում է՝ միտված ազատ խոսքի սահմանափակմանը։
