Բաքվի դատարանում այսօր շարունակվում է Արցախի նախկին պետնախարար Ռուբեն Վարդանյանի գործով շինծու դատավարությունը։
Նիստը նախագահում է Բաքվի ռազմական դատարանի դատավոր Զեյնալ Աղաևը։
Վարդանյանը «մեղադրվում Է Ադրբեջանի դեմ պատերազմ ծրագրելու, նախապատրաստելու և իրագործելու, ահաբեկչության ֆինանսավորման, հանցավոր կազմակերպություն ստեղծելու, ապօրինի զենք-զինամթերք ձեռք բերելու, տեղափոխելու համար»։
Վարդանյանին մինչև ցմահ ազատազրկում է սպառնում:
Նա հացադուլ է սկսել՝ իր բողոքն արտահայտելով դատական ֆարսի դեմ։
Ռուբեն Վարդանյանը բարձրաձայնել է իր իրավունքների կոպտագույն խախտումների, հոգեբանական ճնշումների մասին, նաև, որ զրկված է պաշտպանության իրավունքից, 422 հատորանոց ու սխալներով թարգմանված գործի նյութերին ծանոթանալու բավարար ժամանակ չեն տրամադրել, իսկ իր միջազգային իրավաբանական թիմին արգելվել է շփվել կամ հանդիպել իր հետ ու ստանալ գործի նյութերը:
