Եվրախորհրդարանում կայացել է քննարկում՝ «Ադրբեջանում քաղաքական իրավիճակը և մարդու իրավունքների խնդիրները» թեմայով: Հինգշաբթի կկայանա բանաձևի քվեարկությունը:
Ֆրանսիացի պատգամավոր Ժորդան Բարդելան իր ելույթում, մասնավորապես, ուշադրություն է հրավիրել այն փաստի վրա, Եվրամիությունը, Թուրքիայի նախագահ Ռեջեփ Էրդողանի աջակցությամբ, գազ է գնում Ադրբեջանից՝ այդպիսով Հայաստանին մեկուսացած և թուլացած վիճակում դնելով տարածաշրջանում․
«2023 թվականի սեպտեմբերին Ադրբեջանի ռազմական գործողությունների հետևանքով Լեռնային Ղարաբաղի ավերումից հետո հայերն այժմ բախվում են Ալիևի ռեժիմի էքսպանսիոնիստական մղումներին։
2023 թվականից Բաքվի ռեժիմի կողմից իրականացվող ապատեղեկատվական արշավ է իրականացվում, ինչը դատապարտվեց Ֆրանսիայի ներքին գործերի նախարարի կողմից: Այն ուղղված է մեր հեռավոր շրջաններին՝ Նոր Կալեդոնիային և Մարտինիկային։ Մենք պետք է վճռականորեն դեմ լինենք այդ պրակտիկային։
Ադրբեջանը փորձել է հակաֆրանսիական տրամադրություններ բորբոքել՝ բռնության կոչ անելով մեր տարածքներում Ֆրանսիան ներկայացնող ապրանքների և մարդկանց դեմ։
Ադրբեջանի կողմից իրականացվող այս գործողությունները պատասխան են Հայաստանին՝ հնագույն քրիստոնյա երկրին և Արևելքի ու Արևմուտքի միջև իրական կամրջի Ֆրանսիայի աջակցությանը: Եթե ոչինչ չփոխվի, մենք ականատես կլինենք, թե ինչ կարող է տեղի ունենալ հայերի հետ ապագայում։ Դա շատ ավելին արժի, քան Ալիևի գազը»,- իր ելույթում նշել է ֆրանսիացի պատգամավորը։
00:00:00
