Այսօր՝ հոկտեմբերի 1-ին, արտակարգ դեպք է տեղի ունեցել Երևանում: Նիկոլ Աղբալյանի անվան թիվ 19 հիմնական դպրոցի 7-րդ դասարանի աշակերտը դասասենյակներից մեկում բալոնչիկից հազ առաջացնող հատուկ նյութ է բաց թողել, հաղորդում է Shamshyan.com-ը:
Երեխաներին տարհանել են՝ ասելով, որ գազի պայթյունի վտանգ կա:
Այս պահին դպրոց է ժամանել ոստիկանության Կենտրոնական բաժնի օպերատիվ խումբը՝ անչափահասների գործերով բաժանմունքի ավագ տեսուչի գլխավորությամբ:
Ահազանգով դպրոց են ժամանել նաև ՀՀ ՆԳՆ փրկարար ծառայության Երևանի հրշեջ-փրկարարական ջոկատից 1 մարտական հաշվարկ:
Կայքի տեղեկություններով՝ բարեբախտաբար երեխաների առողջությանը վտանգ չի սպառնում:
