Ինչպես հայտնել ենք, Բագրատ արքեպիսկոպոս Գալստանյանի ֆեյսբուքյան էջում հրապարակվել է նրա կյանքի ու գործունեության մասին պատմող «Իմ հավատամքը» ֆիլմը:
Ֆիլմի ընթացքում նրա զարմուհին պատմել է, որ երբ նրա ընտանիքը նոր է հայրենադարձված եղել, ապրելիս են եղել ծանր պայմաններում: Ու երբ նրա մայրն իմացել է, որ հղի է չորրորդ երեխայով, որոշել է հեռացնել պտուղը: Բարեկամուհու հետ գնացել է ծննդատուն, սակայն աստիճաններով բարձրանալիս լսել է գերբնական ձայն: Ձայնն ասել է` երեխային վնաս չտաս, երեխան պիտի ծնվի, ինքը մեծ մարդ պիտի դառնա:
Ազդվելով տեղի ունեցածից` նրանք հետ են գնացել և կրկին եկել մի քանի օրից: Սակայն նույն ձայնը կրկին սպառնացել է. «Չանեք նման բան, ձեզ հետ վատ բան կկատարվի»: Մայրը հրաժարվել է իր մտքից, ու այդպես ծնվել է Վազգեն Գալստանյանը` Բագրատ Սրբազանը:
