Ռուս-վրացական սահմանի Վերին Լարս անցակետում կրկին հերթեր են։ Սպասող բեռնատարների թիվը հասել է 2500-ի։
«Ինտերֆաքս»-ի փոխանցմամբ, Վրաստան մուտքի համար օնլայն գրանցված է 2 465 բեռնատար։ Համեմատության համար հուլիսի 18-ին հերթում էր 1900 մեքենա, հուլիսի 15-ին՝ 2300 մեքենա։
Ավելի վաղ Հյուսիսային Օսիայի ղեկավար Սերգեյ Մենյայլոն հայտնել էր, որ հանրապետությունում բարձր պատրաստվածության ռեժիմ է սահմանվել սահմանին տարանցիկ մեքենաների կուտակման պատճառով։ Դրա շրջանակում տարածաշրջան թույլ են տալիս այնքան մեքենա, ինչքան ազատտեղ կա կայանատեղիներում։
