Իրանական կողմի նախաձեռնությամբ Ռուսաստանի Դաշնության արտգործնախարար Սերգեյ Լավրովը հունիսի 28-ին հեռախոսազրույց է ունեցել Իրանի Իսլամական Հանրապետության արտգործնախարարի պաշտոնակատար Բաղերի-Քյանիի հետ։
Ըստ ՌԴ ԱԳՆ մամուլի ծառայության՝ զրույցի ընթացքում առաջնահերթ ուշադրություն է դարձվել Մերձավոր Արևելքում ստեղծված իրավիճակին։ Կողմերը լուրջ մտահոգություն են հայտնել չլուծված բազմաթիվ ճգնաժամերի արդյունքում, առաջին հերթին պաղեստինա-իսրայելական հակամարտության գոտում տարածաշրջանում լարվածության վտանգավոր սրման առնչությամբ։
Զրուցակիցներն ընդգծել են կառուցողական մտածողությամբ միջազգային խաղացողների աջակցությամբ խնդիրները քաղաքական և դիվանագիտական միջոցներով լուծելու առաջնահերթությունը։
Լավրովն իրանցի բարեկամներին նախագահական ընտրություններում հաջողություն է մաղթել։ Իր հերթին Ա.Բաղերի-Քյանին հաստատել է փոխադարձ հետաքրքրություն ներկայացնող բոլոր հարցերի շուրջ իր պատրաստակամությունը ։