GG ընկերությունը, իր հիմնադիր Խաչատուր Գրիգորյանի գլխավորությամբ, մեծ գործ է արել Արցախում և մշտապես սրտացավություն է դրսևորել Արցախի հանդեպ. այս մասին գրել է «Արցախի ժողովրդի շահերի ու իրավունքների պաշտպանության միություն» ՀԿ նախագահ, Արցախի նախկին ՄԻՊ և նախկին պետնախարար Արտակ Բեգլարյանը:
«Խաչատուրի հետ որքան շփվել եմ, միշտ շատ դրական տպավորություն եմ ստացել: Էլ չասեմ, որ շատ օրինակելի է նրա և GG-ի ազգային պատասխանատվությունը:
Թեև այս ընթացքում հիմնականում GG-ից չեմ օգտվել՝ հավելվածի մատչելիության խնդիրների պատճառով, սակայն այսօրվա հետապնդումից հետո ակտիվորեն կիրառելու եմ GG-ն՝ լրացուցիչ ջանք թափելով մատչելիության դժվարությունները հաղթահարելու համար:
Հ.Գ. Խաչատուրի գրառումը մի քիչ շատ էր հուզական ու ընդհանրացնող, բայց այդ լարված իրավիճակում պետք է հանգիստ վերաբերվել հատկապես սովորական քաղաքացիների կողմից նման դրսևորումներին: Փոխարենը՝ չպետք է հանդուրժել բռնությունը և ատելության քարոզը հատկապես հանրային իշխանություն ու հեղինակություն ունեցող անձանց կողմից»:
