Հայաստանում Ռուսաստանի դեսպան Սերգեյ Կոպիրկինը հայտարարել է, թե ՌԴ զինվորականների և սահմանապահների ներկայությունը անփոխարինելի դեր ունի։
«Հատկապես այն պահին, երբ իրավիճակը բավական նյարդային է, շատ է խոսվում «Զանգեզուրի միջանցքի» մասին, և մարդիկ փորձում են հասկանալ` ինչ է լինելու հետագայում` Լեռնային Ղարաբաղից հետո։ Եվ, իհարկե, ցանկացած գործողություն և քայլ, որոնք օգնում են մարդկանց մեծ վստահություն հաղորդել, շատ կարևոր է», - «SputnikԱրմենիա»-ին ասել է Կոպիրկինը։
Դեսպանը նշել է, որ ՌԴ զինվորականները և սահմանապահները շատ բան են անում, որպեսզի «այս բարդ իրավիճակում պահպանեն կայունությունն ու հայկական սահմանների անվտանգությունը»։
