«Ռուսաստանը գլոբալ քաղաքականության մեջ» կայքում այսօր հրապարակվել է Ռուսաստանի արտաքին գործերի նախարար Սերգեյ Լավրովի ծավալուն հոդվածը։
Հոդվածում անդրադարձ կա նաև հայ-ադրբեջանական հարաբերություններին։
Ըստ Լավրովի՝ այժմ Բրյուսելը, հոգալով իր աշխարհաքաղաքական հավակնությունները, իր «միջնորդական ծառայությունները» պարտադրում է Ադրբեջանին և Հայաստանին՝ Վաշինգտոնի հետ ապակայունացնելով իրավիճակը Հարավային Կովկասում։
«Այժմ, երբ Երևանի և Բաքվի ղեկավարները լուծել են երկու երկրների ինքնիշխանության փոխադարձ ճանաչման հարցը, եկել է խաղաղ կյանք հաստատելու և վստահությունն ամրապնդելու ժամանակը։ Ռուսական խաղաղապահ զորախումբը պատրաստ է ամեն կերպ նպաստել դրան», - նշել է ՌԴ արտգործնախարարը։
