Հայ բռնցքամարտիկները տպավորիչ ելույթներ են ունեցել ուսանողական սպորտի աշխարհի առաջնությունում։ Այս մասին տեղեկացնում է Հայաստանի բռնցքամարտի ֆեդերացիան։ 

Եզրափակչում 51 կգ քաշային Հայկ Ալաբերքյանն անգամ վնասվածքով ոչ մի շանս չի տվել ադրբեջանցի մարզիկին և հաղթել է 5։0 հաշվով։ Վստահ հաղթանակ է տոնել նաև 57 կգ քաշային Ռուսլան Ասլիկյանը, որը եզրափակչում առավելության է հասել Վենեսուելայի ներկայացուցչի նկատմամբ։

Վլադիմիր Մարկարյանի սաները տպավորիչ հաղթանակներ էին տոնել նաև մինչև եզրափակիչը, ընդ որում՝ բավականին ուժեղ մարզիկների նկատմամբ։ Եվս մեկ հայ բռնցքամարտիկ` 80 կգ քաշային Համլետ Հարությունյանը, նվաճել է բրոնզե մեդալ։