Լեռնային Ղարաբաղում հումանիտար ճգնաժամը շարունակում է ծավալվել, կառավարության նիստին հայտարարեց վարչապետ Նիկոլ Փաշինյանը:

«2022 թվականի դեկտեմբերից Ադրբեջանը Լաչինի միջանցքի ապօրինի փակման միջոցով արգելել էր կոմերցիոն մատակարարումները դեպի ԼՂ: Այսինքն՝ Արցախում գործող խանութները, դեղատները 2022 թվականի դեկտեմբերից իրենց վաճառքի տեսականու արտաքին մատակարարում ընդհանրապես չեն ունեցել: Հունիսի 15-ից Ադրբեջանը արգելափակել է նաև դեպի ԼՂ հումանիտար բեռների, այդ թվում մանկական սննդի և դեղորայքի մատակարարումները, նաև Կարմիր խաչի միջոցով: Հուլիսի 26-ին դեպի ԼՂ հումանիտար բեռներ ուղարկելու որոշում էր կայացվել և 19 բեռնատար ավտոմեքենաները շարունակում են կանգնած մնալ Սյունիքի մարզի Կոռնիձորի հատվածում՝ Լաչինի միջանցքի մոտ»,-նշեց նա։