Ուզբեկստանի մայրաքաղաք Տաշքենդում ընթացող բռնցքամարտի աշխարհի առաջնության քառորդ եզրափակիչ փուլում Հայաստանի երրորդ մասնակից Ռաֆայել Հովհաննիսյանը պարտություն կրեց և զրկվեց բրոնզե մեդալից:
Մեր 86 կգ քաշային մարզիկը վրացի Գեորգի Կուշիտաշվիլու հետ մրցամարտում ամեն ինչ արեց հաղթանակի հասնելու համար, սակայն չհերիքեց միայն հարվածների դիպուկությունը: Արդյունքում, մրցավարները միավորներով հաղթանակը շնորհեցին ավելի փորձառու մրցակցին:
Այդպիսով, Հայաստանից պայքարը կշարունակեն երկու բռնցքամարտիկ՝ Հովհաննես Բաչկովն ու Նարեկ Մանասյանը: Նրանք կիսաեզրափակիչ մարտերը կանցկացնեն մայիսի 12-ին:
